عورت ایک منافق مخلوق ہے ، حددرجہ منافق جبکہ مرد ایک سچا انسان ہے وہ ایسے کہ ؟؟

محبت تو ہوتی ہی محر م سے ہے نامحرم سے تو وقتی طور پر لگاؤ ہوتا ہے وہ بھی اچھائی کے قائم رہنے تک جیسے ہی برائی سامنے آتی ہے ۔ نمبر بلاک پھر توں کون میں کون، سب ختم لیکن محر م کے ساتھ ہمیں نہ چاہتے ہوئے بھی رہنا پڑتا ہے اچھائی برائی کے باوجود بھی ساتھ نبھانا پڑتا ہے۔ یہ جو مجبوریاں ہوتی ہیں نہ یہی ہمیں ایک دوسرے سے جوڑ کر رکھتی ہیں مجبوریوں سے آزادی تو ہمیں ایک دوسرے کا ہی دشمن بنا دیتی ہے۔

ہم بغاو ت میں اپنے ماں باپ کو بھی چھوڑنے سے نہیں ڈرتے تو کسی ایرے غیرے کی کیا مجال ہے کہ وہ ہماری مرضی کے خلاف ہمارے ساتھ رہ سکے یا ہم اسے اپنے ساتھ رکھ سکے محرموں کو بھی ہم اس لیے برداشت کرتے ہیں کہ ان کے بغیر ہمارا گزارا نہیں ہوتا اور جس دن ہمارا گزارا ہونے لگتا ہے معاف ہم انہیں بھی نہیں کرتے ، یہ محبت! محبت کی دعویدداریاں بس اچھائی تک ہی قائم رہتی ہیں۔ جب تک ہم دوسروں کی سہی غلط باتیں برداشت کرتے رہیں ہم اچھے ،

جس دن بھڑکے ہم برے ، جب تک دوسروں کا مطلب پور ا کرتے رہیں تب تک ہمیں شہنشاہ کہاجاتا ہے جس دن جواب دے دیں ہمیں کم ظرف کا خطاب مل جاتاہے۔ بے لوث تو ہم پیدا کرنے والے خالق سے بھی نہیں ہوتے ہیں او ر کسی سے کیا ہوں گے جبکہ محبت بے لوث جذبہ ہے مجھے تویہ بے لوثی آج تک کہیں نظر نہیں آئی ۔آپ کو کہیں نظرآئی ہے تو ضرور بتانا۔عورت ایک منافق مخلوق ہے اور مرد ایک سچا انسان ہے بہت سے لوگوں کو مجھ سے اختلاف ہوسکتا ہے ۔ پر میں نے عورت سے بڑھ کر کسی کو منافق نہیں پایا۔ حد درجہ منافق ہوتی ہے۔ دل میں کچھ اورہوتا ہے اور زبان سے کچھ اور

بولتی ہے۔کبھی بھی اپنے گھر والوں کو آنکھوں کی سرخی کی اصل وجہ نہیں بتائے گی۔ عزت سفید پوشی کبھی گھر کے حالات کی وجہ سے اپنی من پسند چیزوں اور آرزوؤں سے دستبردار ہوجائے گی۔ ستم اس پر یہ کہ مسکر ا کر خود کو اذیت دے گی۔ کبھی بھی اپنی پیدا کردہ ماں کے سامنے نہیں روئے گی ہاں یہ ضرور کہے گی سرمیں درد تھا ۔ بھائیوں کی راز دار بن جائے گی۔ کبھی بھی انہیں اپنے دل کی بات نہیں بتائے گی ۔ مسکراتی رہے گی ایک دن

چپ چاپ مرجائے گی۔ تب بھی یہ نہیں بتائے گی ہارٹ اٹیک کی اصل وجہ کیا ہے ۔ رہامرد تو وہ سچا ہے ۔ بیوی نہیں پسند تو دوسری بول کر بتاتا ہے مجھے نہیں پسند یہ عورت۔ جاب سے بیچارہ تھکا ہارا آتا ہے جتا دیتا ہے میں تھکا ہوا ہو ں تنگ نہ کیا جائے۔ یہ الگ بات ہے عورت پورا دن گھر بچوں کے کام اور سسرال کی خدمت ، آئے گئے کی عزت ، سب کام کے باوجود مرد کوبتاتی نہیں بات تو وہیں آگئی نہ صاحب عورت ہے ہی منافق۔

Sharing is caring!

Categories

Leave a Reply

Your email address will not be published. Required fields are marked *