کتنے ہی پیاز کاٹ لیں ، مگراب آنسو نہیں آئیں گے۔۔پیاز کاٹنے سے پہلے یہ طریقے آزمالیں گی تو کبھی آنکھوں سے آنسو نہیں بہیں گے!

کتنے ہی پیاز کاٹ لیں ، مگراب آنسو نہیں آئیں گے۔۔پیاز کاٹنے سے پہلے یہ طریقے آزمالیں گی تو کبھی آنکھوں سے آنسو نہیں بہیں گے!

اکثر خواتین کو شکایت ہوتی ہے کہ جب بھی وہ پیاز کاٹنے کیلئے بیٹھتی ہیں ، ان کے آنسو بہنا شروع ہوجاتے ہیں ۔ یہ حقیقت ہے کہ کچھ پیاز اتنے تیز ہوتے ہیں کہ انہیں کاٹنے کے دوران ہی آنکھوں سے سیلابی ریلے کی طرح پانی بہنا شروع ہوجاتا ہے اور اس وقت تک جاری رہتاہے جب تک کہ پیاز کاٹنے کا عمل رُک نہ جائے۔

چونکہ ہمارے یہاں جتنے پکوان پکائے جاتے ہیں، ان میں سے زیادہ تر پکوان میں پیاز کو شامل کرنا ضروری ہوتاہے ، لہذا پیاز کی کٹنگ تو ہمارے یہاں کے اکثر گھرانوں میں تقریباً روز ہی ہوتی ہے۔چونکہ پیاز میں سلفر کمپاؤنڈ موجود ہوتا ہے ، اس کی وجہ سے پیاز میں ایک تیزی سی ہوتی ہے ، جو آنکھوں میں آنسو لانے کا سبب بن رہی ہوتی ہے۔

اس مضمون میں پیاز کاٹنے سے قبل کچھ طریقے آزمانے کے بارے میں بتایا جارہاہے جن میں سے کوئی طریقہ آزمالیا جائے تو پیاز کاٹتے وقت آنکھوں سے آنسو نہیں بہیں گے۔

سب سے پہلے تو پیاز کا اوپراور نیچے والا حصہ تھوڑا تھوڑا کاٹ لیں ۔ کیونکہ ان حصوں پر سلفر کمپاؤنڈ کی مقدار سب سے زیادہ ہوتی ہے ، کیونکہ یہ جڑ کے قریب ہوتے ہیں ۔

پیاز کو 45سیکنڈز کیلئے مائیکرو ویو اوون میں رکھ دیں اور اوون چلادیں ۔اس کے بعد پیاز کو نکال لیں ، تھوڑا ٹھنڈا ہوجائے تو کاٹ لیں ۔اوون میں پیاز گرم کرنے کی وجہ سے اس میں موجود سلفر کمپاؤنڈاور کیمیکلز کا اثر کم ہوجاتاہے ، جس سے پیاز کاٹتے ہوئے آنسو نہیں نکلتے۔

اگر کسی دن دعوت ہے اوربہت سی ڈشز بنانے کیلئے بہت سارے پیاز کاٹنے ہیں تو پھر ان تمام پیاز کو30منٹ کیلئے ریفریجریٹر میں رکھ دیں ، اگر زیادہ وقت نہیں ہے تو پھر فریزر میں 10منٹ کیلئے رکھ دیں اور پھر پیاز کاٹتے وقت جادو خود دیکھیں۔

کسی بڑے پیالے میں پانی بھرلیں اور اسی میں ہاتھ ڈال کر پیاز کاٹتی رہیں ، اس طرح پیاز کاٹنے سے بھی آنسو نہیں آتے۔

کچن کاؤنٹر کے پاس پنکھا موجود ہے تو پہلے اسے چلائیں اور پھر پیاز کاٹنے بیٹھیں ، اس سے بھی فرق پڑتا ہے ۔

Sharing is caring!

Categories

Comments are closed.